Нууцлалын бодлого

Сүүлд шинэчилсэн: 2026 оны 10 дугаар сарын 14

LEX.mn (цаашид «Үйлчилгээ») нь Монгол Улсын хууль тогтоомж, шүүхийн практикт суурилсан хиймэл оюуны эрх зүйн зөвлөх үйлчилгээ юм. Энэхүү бодлого нь таны хувийн мэдээллийг хэрхэн цуглуулж, ашиглаж, хамгаалж байгааг тайлбарлана.

1. Бидний цуглуулдаг мэдээлэл

Бүртгэлийн мэдээлэл — цахим шуудангийн хаяг, нэр. Google-ээр нэвтэрсэн тохиолдолд Google-ээс зөвхөн эдгээр мэдээллийг авна.
Таны бичсэн агуулга — чатад бичсэн асуулт, хэргийн тайлбар, хавсаргасан баримт бичгийн текст.
Үйлчилгээний бүртгэл — токен зарцуулалт, худалдан авалтын түүх, нэвтэрсэн огноо.
Техникийн мэдээлэл — алдаа оношлоход шаардлагатай серверийн лог.
Үйлдлийн лог (бидний сервер) — үйлчилгээг сайжруулах, зүй зүй бус ашиглалтыг илрүүлэх зорилгоор: аль дэлгэц үзсэн, ямар товч дарсан, аль хууль/шийдвэрийн линк нээсэн, хүсэлтийн зам ба хариуны хугацаа, токен зарцуулалт, платформ (вэб/апп), хөтчийн төрөл, IP хаягийн БУТАРСАН хэлбэр (жишээ: 202.21.101.0). Таны бичсэн асуулт, баримтын текст, хайлтын мөр ЭНЭ ЛОГТ ХЭЗЭЭ Ч БИЧИГДЭХГҮЙ — зөвхөн баталгаажсан списокоос бүрдсэн үйлдлийн нэр ба нийтийн баримтын дугаар/нэр.
Зочны ялгах тэмдэг — нэвтрээгүй зочныг «нэг хүн» гэж тоолоход зориулсан санамсаргүй тоо, таны хөтчид хадгалагдана (хувийн мэдээлэл, төхөөрөмжийн шинжээс үүсгэдэггүй). Хөтчийн хадгалалтыг цэвэрлэвэл устна.
Хэрэглээний нэргүй статистик — аль дэлгэц үзсэн, вэб үү эсвэл апп уу, ойролцоо байршил (улс, хот), төхөөрөмжийн төрөл. Үүнийг Google Analytics-ээр cookie ашиглан цуглуулна. Таны бичсэн асуулт, баримт бичгийн агуулга ЭНД ОРОХГҮЙ.

Бид зээлийн картын дугаар, банкны нууц мэдээллийг ХЭЗЭЭ Ч хадгалдаггүй — төлбөрийг QPay гүйцэтгэнэ.

2. Мэдээллийг ашиглах зорилго

Таны асуултад хууль зүйн дүн шинжилгээ хийж хариулт өгөх;
Таны ярианы түүхийг хадгалж, дараа дахин үзэх боломж олгох;
Багц, төлбөр, токены тооцоо хийх;
Үйлчилгээний алдааг илрүүлж, чанарыг сайжруулах.

3. Гуравдагч талд шилжүүлэх

Хиймэл оюуны боловсруулалт — таны асуулт болон холбогдох баримтын текстийг зөвхөн хариулт боловсруулах зорилгоор ашиглана; сургалтад ашиглахгүй.
QPay — төлбөр төлөх, и-баримт үүсгэх зорилгоор гүйлгээний мэдээлэл.
Google Sign-In — та Google-ээр нэвтрэхийг сонгосон тохиолдолд.
Google Analytics (GA4) — үйлчилгээг сайжруулах зорилгоор хэрэглээний статистик. Хэрэглэгчдийг өөр хооронд ялгахын тулд та нэвтэрсэн байвал аппын ДОТООД ТООН ДУГААРыг (жишээ: 1427) GA руу дамжуулна — нэр, и-мэйл, асуулт ДАМЖУУЛДАГГҮЙ. IP хаяг нэргүйжнэ (anonymize_ip). Хөтчийнхөө тохиргооноос cookie-г хориглох, эсвэл Google-ийн «Analytics Opt-out» өргөтгөлөөр татгалзаж болно.

Бид таны мэдээллийг сурталчилгааны зорилгоор ХЭНД Ч зардаггүй, дамжуулдаггүй. Хуулиар эрх бүхий байгууллага албан ёсны шаардлага гаргасан тохиолдолд л задруулна.

4. Хадгалалт ба хамгаалалт

Мэдээлэл нь шифрлэгдсэн холболтоор (HTTPS) дамжиж, хамгаалалттай серверт хадгалагдана. Нууц үг нь буцаан тайлагдахгүй хэлбэрээр хадгалагдана. Таны ярианы түүх болон хавсаргасан баримт зөвхөн танд харагдана.

5. Хадгалах хугацаа

Үйлдлийн логийг хамгийн их 90 хоног хадгалж автоматаар устгана. Таны бүртгэл идэвхтэй байх хугацаанд бусад мэдээллийг хадгална. Бүртгэлээ устгуулах хүсэлт гаргасан тохиолдолд яриа, баримт бичгийг устгана. Санхүүгийн бүртгэлийг хууль тогтоомжид заасан хугацаанд хадгална.

6. Таны эрх

Өөрийн мэдээлэлтэй танилцах, засварлуулах;
Ярианы түүх, хавсаргасан баримтаа устгах;
Бүртгэлээ бүрмөсөн устгуулах;
Зөвшөөрлөө буцаан татах.

Эдгээр хүсэлтийг info@lex.mn хаягаар илгээнэ үү. Бид 14 хоногийн дотор шийдвэрлэнэ.

7. Насны хязгаар

Үйлчилгээ нь 18-аас дээш насны хэрэглэгчдэд зориулагдсан.

8. Хариуцлагын хязгаарлалт

LEX.mn нь хиймэл оюунд суурилсан мэдээллийн хэрэгсэл бөгөөд хуульчийн албан ёсны зөвлөгөө, төлөөллийг орлохгүй. Чухал шийдвэр гаргахын өмнө мэргэжлийн хуульчид хандахыг зөвлөж байна.

9. Өөрчлөлт

Энэхүү бодлогод өөрчлөлт орсон тохиолдолд шинэчилсэн огноог энэ хуудсанд тэмдэглэнэ.

10. Холбоо барих

И-мэйл: info@lex.mn
Вэб: https://lex.mn